高雄地產商 - 京城集團

京城集團係高雄數一數二嘅建築商,佢哋嘅樓遍布高雄每一個角落,大概三十幾年前起家，由起一啲十零20層高，樸樸實實嘅大樓, 到到而家又起豪宅，由起啲大眾化嘅社區，真係起乜都有佢份，無法啦,以前買埋咁多地,真係中意起乜都得,如果你話香港有地產霸權,成日都係個幾個發展商霸晒啲地,京城集團就算係一間實實在在,慢慢成長同發展嘅建築商,所以起啲樓嘅質素 都算有保證。

高雄嘅京城集團有啲似香港嘅長江實業同埋新鴻基地產嘅混合體, 有起豪宅，又會起啲平實嘅社區,好似黃埔花園,麗港城之類，選擇非常之多,而亦都因為佢有品牌效應,通常啲樓都比較上保值,意思即係話就算個市唔好,都有一批忠實捧場客,買賣同租賃嘅市場都唔錯，市場長期都有一定嘅流通量,自住同投資都唔錯。

其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

香港留學生黃詠賢魂斷高雄 - 節哀順變

啱啱睇到一則新聞,一個響台灣高雄留學嘅香港大學生黃詠賢，琴晚揸車經過火車軌嘅時候發生意外,比來緊嘅火車撞死,非常可悲，希望佢家人節哀順變。

老實講,我響中港台三地都有車牌,駕駛年資超過15年,比較咁多地方,中國最亂應該無人會有異議，香港揸車規矩多多,所以亦都感覺上比較安全,台灣因為有綿羊仔左穿右插,揸車嘅真係要醒目啲,不過話又說回來,響邊度揸車都要提高警覺,保障自己同乘客的安全。

响高雄發生意外嘅地點,就正正係鼓山區美術館 旁邊嘅火車軌路口，一日廿四小時都有人駐守,保證行車安全,亦都因為高雄而家起緊一條係地底嘅鐵路,將會全面取代地面嘅火車軌,再過兩年,地面就唔會有火車行來行去,保障市民嘅安全,到時呢啲火車撞車嘅交通意外就唔會再發生,當然火車軌附近嘅樓價亦都會因應上升，因為原有嘅火車軌將會變為綠化帶 ，種花種樹種草起公園 等等，如果有興趣投資高雄火車軌附近嘅住宅，可以搵一啲比較上破舊嘅物業，自己重新翻身，都幾有潛質。

其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言
• 驅車闖台鐵路軌 遭推行200米 火車攔腰狂撼　港女慘死

高雄地產商 - 前言

有好多人問我响高雄或者台灣有啲咩發展商,建築商比較上靠得住,又話要問下啲建築材料好唔好,又驚啲樓會漏水,以後要處理都非常麻煩,當然啦,遠洋過海投資,搵着間漏水樓,手尾都好長。不過問題就在於香港同高雄嘅樓市都有幾大分別, 香港嘅建築商來來去去都係個幾間, 好似新鴻基，恒隆，新世界等等，但係因為高雄起樓嘅種類比較多,有十幾廿層高嘅住宅,亦都有三幾層高嘅別墅,建築商都唔一樣,好難講話邊間好邊間唔好。另外亦都有啲發展商曾經風光一時,周圍起樓,但係個樓市有起有跌,一時捱唔住,執咗笠，嗰啲就真係投訴無門啦。

其實每一個發展商有佢哋自己嘅專長,有啲起豪宅,有啲起比較平實嘅住宅, 有啲專注係一區，有啲就周圍插旗,區區都有佢份, 但係如果要摸清每一個發展商嘅來龍去脈，都咪話唔頭痛。

有見及此,我將會介紹高雄比較上出名嘅發展商,並盡量用一啲香港人明白或者比較上出名嘅發展商來做比較，希望可以用最簡單嘅方法,響最短時間之內,等大家了解高雄唔同發展商嘅市場定位。



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言

高雄區域介紹 - 鳥松區

高雄嘅鳥松區位於高雄市中心嘅東北面, 佔地大概25 km² ,比葵青區大小小，只係住咗4萬幾人,人口密度仲小過大埔同西貢,可以算係高雄比較上鄉下嘅地方。鳥松區無地鐵,又無輕軌,出入只可以靠自己揸車,又或者高雄非常之流行嘅小型電單車,香港嘅綿羊仔,交通絕對唔方便。不過為咗俾希望投資高雄嘅香港人多一個選擇,呢一個區亦都有佢嘅特別之處。

鳥松區可以講得出嘅只有三個景點,分別係澄清湖風景區,高雄圓山飯店,同埋澄清湖棒球場,除咗澄清湖附近有幾幢比較上高嘅樓之外，其他大部份都係一啲三層高左右嘅別墅住宅,環境非常清幽。請清湖棒球場係台灣職業棒球隊 義大犀牛嘅專屬比賽場地,適逢比賽嘅日子,附近都非常熱鬧。

不過最出名嘅算係高雄長庚紀念醫院，之前菲律賓事件嘅易小玲,就係係台北林口嘅長庚醫院接受治療,同高雄嘅長庚紀念醫院屬於同一間,醫療設備,醫生質素絕對一流，個主診醫生魏福全醫生都係响高雄醫學院畢業架！

呢一區最似香港嘅西貢同大埔, 雖然無海景,但係就有個澄清湖,附近嘅別墅住宅比較多,雖然話交通唔方便,但係如果自己識揸車,十分鐘就到市區,仲有梗係間長庚紀念醫院就係附近,對醫療有要求嘅投資人就最適合不過。 



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

高雄區域介紹 - 小港區

高雄嘅小港區位於高雄市中心嘅正南邊,佔地大概系45 km²左右,差唔多係半個屯門咁大,只係住咗15萬人左右,人口密度同西貢差不多。 

小港區最有代表性嘅當然係高雄小港國際機場,大家坐飛機到台灣除咗飛去台北嘅桃園國際機場,第二個選擇就係坐飛機來高雄嘅小港國際機場,顧名思義,機場就係坐落於高雄嘅小港區啦。

小港區算係高雄嘅工業重鎮，所有嘅沿海區域,都係比一啲大型嘅工廠或者船廠霸佔,貪嗰度地方容易上落貨,情況同葵涌貨櫃碼頭差不多,亦都因為屬於工廠區,空氣同環境當然不及其他純住宅區,響小港區投資真係要小心,一個唔覺意,吹一吹西南風,屋企有機會食晒工廠吹過來嘅廢氣,唔使多講,樓價唔會高得去邊。

小港區唯一可取嘅景點係享區嘅南邊,高雄有計劃興建一個遊艇停泊區,不過講咗幾年都仲未見到影,如果有興趣,自己Google一下"高雄南星計劃"就最清楚啦。

呢一區有啲似葵青區，葵涌貨櫃碼頭一帶，亦都有啲似十幾年前嘅觀塘工業區,而家望住個啟德碼頭,無敵維港海景,真係估到估唔到,高雄小港區亦都有同樣嘅潛力,不過就唔知要等幾耐啦,如果閣下有些少賭仔心態,鍾意險中求勝,又有閑錢唔等住用,咁投資小港區都可以掛。



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

高雄區域介紹 - 楠梓區

高雄嘅楠梓區坐落於高雄嘅北邊,佔地大概係26 km²左右,住咗18萬人,比香港嘅葵青區大小小,人口密度同屯門差不多，從高雄 小港機場 地鐵站上車,坐半個鐘頭地鐵就可以到達楠梓，如果坐高鐵去到高雄左營站，再轉地鐵,兩三個地鐵站就到楠梓區,交通算係唔錯。

楠梓區嘅景點唔算多,比較出名嘅有國家體育場世運主場館,亦即係高雄嘅大巨蛋，仲有高雄都會公園,有成百幾公頃大,綠草如茵,有山有水,風景優美,不過唔講你唔知,公園以前係座垃圾山,綠化之後仲做埋沼氣發電,同香港嘅將軍澳第一期堆填區一樣,亦都算係為環保出一分力,值得嘉許,不過從投資嘅角度來睇,會唔會影響樓價,你必需要自己衡量。

高雄嘅楠梓區,根本就係香港嘅屯門翻版,交通OK ,買嘢食嘢 都方便,離市中心大概半個鐘頭車程,唔算好遠,但係樓價就俾市中心平一大截,好多住係高雄嘅年青人都會係楠梓區搵一啲上車盤,貪佢平又方便,如果睇好屯門以後嘅發展,楠梓區非常適合你。



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

高雄區域介紹 - 鼓山區

高雄嘰咕山區位於高雄市中心嘅西北面,佔地大概係15 km²左右,比香港嘅中西區面積大少少,住咗13萬人,人口密度同沙田差不多,區內有地鐵,又有輕軌,交通非常方便。

鼓山區最有代表性嘅景點當然係高雄市立美術館,個公園有成100公頃咁大,四周圍為主都係豪宅級數嘅住宅,就連之前嘅台灣總統陳水扁同屋企人都係住係呢區,不過佢有無內幕貼士話呢區一定會升值,咁就好難講啦。另外，打狗英國領事館官邸, 壽山動物園, 高雄忠烈祠等等，都係比較多人認識嘅景點。

呢一區豪宅林立,亦都比較上新,中學小學都非常之多,比較上出名嘅有明華國中,明誠高中,中華藝術學校,龍華國小, 又或者高雄美國國際學校亦都唔錯，區内有一間國立中山大學，都算唔錯。

高雄嘅鼓山區最似香港九龍站,又或者係奧運站附近,大部份都係一啲中上級數嘅住宅，再加埋一個比九龍公園大嘅美術館公園，食飽飯落街散步，又或者入去美術館入邊睇下D藝術品,都咪話唔寫意。如果你睇好香港嘅中西區,尖沙嘴,奧運站附近嘅住宅,鼓山區嘅美術館就最適合不過。



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

高雄區域介紹 - 前鎮區

高雄嘅前鎮區係高雄市中心嘅西南邊,離小港其機場只係十分鐘車程 , 又有輕軌，又有地鐵，而全區面積有成20 km² ,不過就住咗接近20萬人口,人口密度比沙田更加高。呢區大部份都係靠住高雄港附近建設,向西而且比較上高嘅建築物通常都可以睇到海景，連高雄新發展 嘅亞洲新灣區,亦都係坐落於前鎮區,唔使講,唔起 豪宅真係對唔住自己，而順理成章,呢個地段嘅樓價都比較貴。

呢個區因為比較上新，大多數景點都係最近十年左右先至起好。最出名嘅當然係香港人來高雄必去嘅夢時代購物中心,高雄市立圖書館總館,高雄展覽館等等，因為近海嘅關係,坐落於高雄展覽館對出海邊嘅新光碼頭同埋星光水岸公園,都係一啲比較上有特色嘅景點,仲有 全高雄唯一一間IKEA宜家家居購物中心,真係買嘢食嘢行街都非常方便,再加個無敵海景,呢區真係無得輸。

亦都因為你小港機場近 ，前鎮區亦都係一個商業中心,高雄軟體科學園,高雄雲端運算實驗中心,中鋼總部大樓等等都坐落於前鎮區,台灣首富郭台銘嘅鴻海集團高雄 總部都喺呢區,商業貿易非常發達。

呢個區最似香港嘅中西區, 住宅樓宇比較上稀缺,商業貿易就非常發達,而當然物以罕為貴,樓價點樣都唔會平得去邊,不過從投資嘅角度來講,如果你睇好香港嘅中西區,高雄嘅前鎮區就非常適合你啦！



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

高雄區域介紹 - 左營區

高雄嘅左營區位於高雄市中心嘅西北面,佔地大概係20 km²左右,大細同高雄嘅三民區,前鎮區差不多,不過就住咗接近20萬人,人口密度同沙田差不多。

左營區最有代表性嘅就係左營高鐵站,大家坐高鐵由台北落嚟高雄,並唔係坐到高雄站,而係坐到左營站,隔離就連住新光三越高雄左營店,坐幾個地鐵站就到漢神巨蛋,真係買嘢食嘢都非常方便。高雄嘅蓮池潭亦都係坐落於左營區,呢度有蓮潭滑水主題樂園,有高雄唯一一個用鐵索拉嘅滑水場地,刺激又好玩,可以試下大家嘅身手。

左營算係一個比較上新嘅區域,但係中學小學都非常之多,比較上出名嘅有新上國小,新光國小,左營國中,明華國中, 明誠高中等等,更加有一間海軍軍官學校,專門訓練海軍陸戰隊隊員,教育方面 真係包羅萬有。

住宅方面,左營區入邊 有非常出名嘅農16區,一大群豪宅圍住一個十幾公頃嘅公園,個格局有啲似維多利亞公園, 又或者似九龍公園後邊嘅港景峰，總之入場費都比較上高啦。總括來講,左營區係一個比較上新嘅區域,規劃亦都唔錯,如果你睇好香港嘅中西區,尖沙嘴等等嘅地區,左營嘅農16 區就最適合不過。



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

高雄區域介紹 - 鳳山區

高雄嘅鳳山區坐落於高雄正中心嘅東面,佔地大概係27 km²左右,住咗超過35萬人,系全高雄人口最多嘅區域,比荃灣區嘅29萬更多,人口密度比香港嘅灣仔低少少,不過唔好意思,輕軌唔會開到去鳳山,算係輕軌圈外嘅一個大型住宅區。

鳳山區入邊嘅景點唔算多,最出名嘅有衛武營國家藝術文化中心,衛武營都會公園,同埋大東文化藝術中心。而亦都因為人口多嘅關係,中學小學非常之多,比較出名嘅有五福國民小學,文山國民小學,中正國民小學,鳳山國中等等,更加有中華民國陸軍軍官學校,顧名思義係用來訓練陸軍步兵部隊啦。買嘢食嘢都算方便,家樂福,大潤發呢啲商場都有,中規中矩啦。

呢個區有啲似一個落後少少嘅荃灣,用高雄嘅區分來講,可以算係一個落後少少嘅三民區,而亦都因為鳳山區係輕軌圈外,唔可以講係屬於高雄嘅核心地區,所以樓價比三民區更加容易接受,即係平啦,所以好多住係高雄嘅人都會係鳳山區搵一啲上車盤,投資潛力非常巨大。



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

高雄區域介紹 - 前金區

高雄嘅前金區坐落於市中心嘅西邊,面向愛河,多個政府部門亦都設立響前金區,總面積只有1.8 km² ,住咗27,000幾人,人口密度同灣仔差不多。全區將會係輕軌圈 入面,都可以算係高雄嘅市中心區域。

老實講,前金區真係無乜特別嘅景點, 唯一一個景點就係高雄國賓大飯店對出嘅愛河,有幾間coffee shop做生意，不過因為台灣高雄地方法院嘅關係 ,附近都有幾幢矮矮地嘅 商業大廈,有啲會計師樓,亦都有啲律師樓係呢邊做生意。

前金區比我嘅感覺有啲似金鐘花園道落嚟嗰條大斜路，平時返工嘅時候算係有啲人流，放咗工之後,真係無乜人向嗰邊出現，要投資嘅話,亦都比較上困難,因為樓盤唔多,不過如果你對一啲冷門嘅區域有興趣,亦都有心機去逐家逐戶睇樓,前金區亦不失為一個投資嘅地點,因為位處市中心但人流咁稀少嘅地方真係唔多,可能搵到寶都唔定。



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

高雄區域介紹 - 三民區

高雄嘅三民區坐落於高雄正中心嘅北面，佔地大概係20 km²左右,住咗接近35萬人,從人口角度來計係全高雄第二大,只有鳳山區嘅人口比三民區更多, 比荃灣區嘅29萬更多！而從人口密度來講，比香港嘅灣仔高少少, 算係高雄市裏面一個大型住宅區。

三民區入邊景點唔算多,最出名嘅有澄清湖,國立科學工藝博物館,中都濕地公園等等。不過因為人口多嘅關係，中學小學非常之多，比較出名嘅有陽明國中,正興國中,三民國中,新上國小,博愛國小,陽明國小等等,就連大學都有幾間,好似國立高雄應用科技大學, 文藻外語大學,高雄醫學大學，都係响三民區入面。睇病嘅話,可以去高雄醫學大學附設中和紀念醫院, 至于平常生活所需,可以去家樂福, Costco ,大樂等等嘅商場購買,生活機能超方便。

呢個區同香港嘅荃灣非常相似,有醫院,有學校,有大型商場,又坐紅的(taxi)，但係樓價就無九龍同香港咁貴，情況就同高雄三民區一樣，無苓雅同新興區貴，但生活機能絕對ok，所以如果想響高雄搵一啲比較平實嘅住宅區，三民區絕對最適合不過。


其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

高雄區域介紹 - 鹽埕區

高雄嘅鹽埕區响 高雄市中心嘅西邊，同市中心隔咗一條愛河,不過鹽埕區將會係輕軌圈入面,都可以算係高雄嘅市中心區域, 佔地雖然只有一點幾平方公里,但係就住咗25,000幾人,比香港嘅灣仔人口密度更加高！而因為鹽埕區曾經係台灣貨運鐵路嘅終點站,以前運貨上船都必需係鹽埕區上落貨,所以歷史悠久,舊式貨櫃碼頭,貨倉特別多,不過大部份都已經發展為觀光,文創藝術區域,令呢一區煥然一新,文化氣息濃厚。

呢一區最出名嘅景點有駁二藝術特區, 同埋高雄市立歷史博物館, 真係三幾步就行曬。

鹽埕區無苓雅區同新興區嘅繁華,亦都唔似旗津區與世無爭嘅感覺,但係就勝在生活方便,文化氣息濃厚,東面 靠高雄嘅愛河,南邊就係高雄港, 總括來講 有啲似香港嘅沙田區，再加啲港島東區，即係柴灣，西灣河嘅感覺。不過呢區响高雄嘅發展比較落後大市,只有零零碎碎幾棟高樓大廈, 我個人感覺仲有好多發展空間, 如果間樓可以睇倒高雄港，有海景，再加個無敵日落，從投資嘅角度來講,真係非常之有潛力。



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

高雄區域介紹 - 旗津區

高雄嘅旗津區係高雄唯一嘅外島,南邊有一條過海隧道可以開車直達旗津,而北邊有一個渡輪碼頭,大家可以坐船直達,船費非常之平,又可以順便睇下高雄港嘅風景,同香港嘅天星小輪有異曲同工之妙，不過亦都同香港嘅天星小輪一樣,前後唔使五分鐘就坐完,真係囉柚都未坐暖就要落船啦。

旗津由南面到北面大概9 km，但係從東面到西面1 km都唔使，長長窄窄，有啲似香港嘅長洲。島上面無高樓大廈,只有D三四層高嘅民宿,或者其他三四層高嘅住宅,島上邊有一座新落成嘅酒店,而酒店樓下就係一條買海味嘅街,要買啲手信，乾貨，海產都幾方便。

旗津島上面嘅景點唔多,最多人識嘅就係旗津嘅廟前大街,有好多賣海鮮嘅檔口,即叫即煮,都幾有特色,食飽可以去旗後燈塔近距離 睇下啲遠洋輪船出港,又或者去旗津海岸公園附近放下紙鷂,跟住再去旗津嘅沙灘玩下高雄獨有嘅黑色沙灘,不過唔使緊張,啲沙黑色唔係因為污染,只係因為台灣屬於地震板塊嘅交界處，好多岩漿活動， 而岩漿亦都以玄武岩為主，顏色比較黑,所以沙灘裡面嘅沙以黑色為主。

老實講呢區最似香港嘅離島區,長洲,南丫島咁上下，不過因為交通亦都尚算方便,島上邊住咗足足成三萬人,以人口密度計,比灣仔更高！如果你對香港嘅離島情有獨鍾,貪嗰邊陽光與海灘,空氣又清新,與世無爭,又唔怕出去買嘢唔方便,高雄嘅旗津區就最適合你啦！



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

高雄區域介紹 - 苓雅區

高雄嘅苓雅區係新興區嘅南邊,非常之接近市中心,雖然只得8 km²左右住咗成17萬人，人口密度仲高過香港嘅中西區同灣仔 ，真係人多車多。 而成個苓雅區大部份嘅地方都係坐落於輕軌圈入邊,亦即係我講嘅高雄市中心區域。苓雅區嘅東面係傳統豪宅區,曾幾何時呢邊係高雄最貴嘅地段之一,不過隨着高雄嘅發展,貴價嘅地段慢慢移向苓雅區嘅西邊，無辦法啦,嗰邊又有海景,又有高雄嘅地標85大樓,仲有全高雄最貴嘅豪宅國硯，真係想唔貴都唔得。

啱啱講過,苓雅區最出名嘅景點有高雄85大樓,鍾意shopping嘅朋友可以去三多商圈,有齊百貨公司高雄大遠百，高雄SOGO ,新光三越高雄三多店, 真係正過銅鑼灣。 仲有如果鍾意食麵包嘅朋友,可以去全台灣唯一嘅一間吳寶春麵包屋,嘆下咩嘢叫做米之蓮星級麵包廚師整嘅麵包。

高雄市政府嘅行政中心亦都係苓雅區入邊,高雄市政府文化局亦都成日會舉辦一啲文化藝術活動比市民參與,附近又有出名嘅五福國民中學,國立高雄師範大學,四維國小,苓洲國小,成功國小等等,生活機能真係非常方便。

呢區唔使多講同香港嘅中西區非常相似,好似中環金鐘附近嘅政府合署,又有海景，又有好似銅鑼灣嘅SOGO ,買嘢食嘢都非常方便,當然樓價亦都相對地比較高,不過從投資嘅角度來講,如果你睇好香港嘅中西區,高雄嘅苓雅區近海邊嗰邊就最適合你啦！



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

高雄區域介紹 - 新興區

高雄嘅新興區坐落於全高雄嘅正中心,係正正式式嘅核心區域,全區面積唔大,只係得2 km²左右,但係就住咗超過五萬人,人口密度仲高過香港嘅中西區同灣仔！都咪話唔利害。

新興區最出名既景點有美麗島地鐵站,香港人係人都識嘅六合觀光夜市,可以媲美香港九龍公園 嘅高雄中央公園，高雄火車總站等等，都可以係呢個區裡邊搵到，附近比較潮地方有新崛江，同尖沙嘴廣東道差不多 ，想cheap cheap地買啲衫可以去高雄嘅女人街即係 南華市場，而且附近嘅中小學亦都非常之多,有新興國小，大同國小，信義國小。醫院嘅話有大同醫院,生活機能極之方便。

呢個區同香港嘅油尖旺有啲相似,買嘢食嘢都非常方便,又有兩條地鐵線嘅轉車站,人流比較上多,所以呢個區分嘅樓價向高雄都算貴。不過從頭投資嘅角度來講,如果你睇好香港嘅油尖旺區,高雄嘅新興區就最適合你啦。



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

高雄區域介紹 - 地理

高雄嘅總面積大概係3000 km² ,大概係三個香港咁大,而人口只係唔夠3百萬，計一計,人口咁稀疏,樓價貴極都有限啦,但大家唔好唔記得,台灣有個中央山脈,最高有成4000 m ,有成四個大帽山疊起來咁高,所以可以住人嘅地方,其實真係唔多。

同香港一樣,高雄亦都有分區,香港有18區,高雄一共有38區。我呢個blog無興趣為大家一一介紹全高雄38區嘅分別,因為可以投資,可以住人嘅區分只係得十幾個,占高雄38區一半都唔夠,但係當然,如果大家有興趣想去啲山旮旯嘅地方投資房地產,我都唔會阻止,始終人各有志,投資方向亦都唔會一樣,不過我呢個blog會盡量同大家介紹一啲比較有人氣嘅地方,最起碼有車有地鐵到,附近買個包都方便啲。

我會由人口最密集嘅高雄新興區開始講起,一路都高雄機場坐落嘅小港區為止,一共12個區域。



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

高雄區域介紹 - 地鐵

高雄嘅地鐵發展比香港慢，2009年第一條嘅地鐵線先至開始成立，到而家為止只有兩條地鐵線，兩條地鐵線成十字型，由東向西嗰條叫橙線，由好多香港人都識嘅西子灣站 ，一路延伸去一個無人知道叫大寮站嘅地方，全程10 km左右啫。南向北嗰條叫紅線，由小港機場站一路向北去到岡山站，全程足足有成30 km，想知道30 km有幾遠? 大概由香港機場出上環咁上下啦。 而因為兩條地鐵線成十字形嘅關係,只有一個轉車站,而呢個轉車站就係美麗島站。

2015年十月，全台灣第一條輕軌鐵路正式响高雄 開始營運,呢一條輕軌係原裝由歐洲進口,地台只有半米高,比屯門元朗果條輕軌新式又先進好多，而呢條輕軌將會圍住高雄外圍一圈，同高雄地鐵兩條綫剛剛好拼成一個“田”字，可以大膽咁講,以後高雄嘅核心地區將會係輕軌圈同地鐵拼成入嘅“田”字入邊，要搵高雄核心地段投資，真係話都無咁易啦。


其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

高雄區域介紹 - 前言

好多人問我响高雄投資響邊區最好，但最好笑嘅係就算我話俾佢聽邊一區好，都好難講清楚嗰邊有咩好 ，有時候真係幾嘥氣，但諗諗下其實最好嘅方法就係用一啲香港人明白嘅區嚟表達高雄唔同地區嘅分別。譬如講, 高雄嘅楠梓區，就好似香港嘅屯門一樣，離開市中心雖然有一段距離，但起碼有地鐵到，交通都算方便，但亦都好明顯樓價會比市中心平一大截，要搵上車盤嘅話就最適合不過啦。又譬如講高雄嘅苓雅區，即係而家嘅高雄亞洲新灣區所在地，又有海景, 又有高雄嘅地標85大樓，仲有而家貴絕高雄嘅國硯豪宅坐鎮，就最似香港嘅中環不過啦，嘩咁樣一講就係香港人都明白啦！

有見及此,我將會介紹高雄每一個區分同香港各區嘅比較，並盡量用一啲香港人明白嘅詞彙嚟介紹高雄各區嘅特色，希望可以用最簡單既方法，響最短時間之內，等大家了解高雄嘅區份。



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄地產商 - 前言

臺灣用”坪“，香港用”呎“，大陸用”平米“

啊，救命呀，數學差啲真喺比呢啲兩岸三地的計算方法玩死！ 香港用慣的建築面積計呎價變成呢幾年嘅實用面積已經夠煩，如果投資中國大陸，佢哋用“平米”、用人民幣計，又要轉，都算嘞，起碼人民幣跟港幣差不多，大陸的“一平米”又大概等於10平方呎左右，大概都估倒，差不了多少。但係如果想投資臺灣，死得，人地用“坪”，一“坪”又起碼幾十萬新臺幣，哇，聽落好貴呀，點買呀！？

其實，一“平”又好，一”坪“又好，一”呎“又好，衹要搞清楚個換算，就可以張價就貨，或者張貨就價啦！

爲了簡化換算的麻煩，我會用1港幣：4新臺幣來算，如果要準一點，自己到 Yahoo Finance 上面查就ok啦。

基本上，臺灣的一”坪“ = 35.714平方呎

如果臺灣嘅屋10萬新臺幣一坪=10萬新臺幣35.714平方呎=2.5萬港幣35.714平方尺=700港幣一呎！！

你無睇錯，我無寫錯，簡單的計，臺灣10萬一坪等於香港700蚊呎！20萬一坪就系1400港紙一呎。 前一排臺灣報導臺北嘅超豪宅，臺北“帝寶”，臺灣首富郭臺銘都系業主，大嗱嗱300萬新臺幣一坪，已經講到街知巷聞啦，計一計，都系HKD$21,000一呎咋！！比起九龍站上面的天璽、擎天半島、動不動就HKD$30,000一呎，抵到爛啦！！


其他建議連接：

• 搞清楚實用面積、建築面積、公設、公設比
• 臺灣住宅房地產種類
• 高雄區域介紹 - 前言
• 高雄地產商 - 前言

搞清楚實用面積、建築面積、公設、公設比

過去幾十年，香港都是用”建築面積“來計算每平方尺的單價的，香港啲房地產經紀會盡量游說個樓盤幾實用，有8成9成實用率之類之類，香港的太古城、黃埔花園、美孚新村等等，都是出左名的實用樓盤，價格向來都比較硬的原因。 最近幾年，香港開始用”實用面積“來計，不理其他外圍因素，就這個建築/實用更改，尺價就順理成章上升了2到3成！當然啦，小學雞數學，在這裏不解釋啦。 

同樣的，在臺灣也有一套”實用面積“、”建築面積“的計算方法，稱爲”公設“。顧名思義，公設越多，公設比越大，實用面積就越少。在臺灣，衹有大樓、社區別墅、公寓有公設，從不到1成的公設到一些新屋我個人認爲非常離譜的5成公設也有！當然，公設比越大，所提供的設施通常也越多，在購買房屋的時候，可以多比較。

一般來說，除了那些社區公設，譬如游泳池、會所、供電房、樓梯、通道之外，另外室內也可能有公設！最普遍的有：

1）陽台外推：本來是陽台，但是就把牆打掉，把本來陽台的地方納入可用面積，在屋契（權狀）上面有註明為“公設”。

2）雨遮、雨擋：跟陽台外推差不多，也跟香港的窗台差不多，總之就是硬塞到大樓的建築面積裡面，讓你多付點錢買多幾尺沒用的面積就是了。


其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言

臺灣住宅房地產種類

在臺灣，住宅大約可以分爲以下五類

1）電梯大樓：電梯大樓通常是指超過5層樓的建築物、跟香港人認識的一般房屋最似，有電梯，有管理，樓下可能有個兒童游樂場等等，高級一點的有私家游泳池、會所等等。這種住宅是香港人最容易融入、最容易接受的一種，畢竟跟香港人習慣的差不多。 

2）公寓：就是香港的唐樓！臺灣的公寓最多5層，而且一定無lift！爬硬樓梯。也因爲沒有lift的原因，5樓通常最便宜，但買了以後要賣的話真的幾頭疼，cheap cheap 地自住、腳力好，應該沒問題。 

3）透天：第一次聽到“透天”這個名詞，真的不知道怎麽反應。其實，透天就是指一些1到5層，獨立的建築物。通常，所有權人（屋主）就一個人，獨立門牌，如果這“透天”對著大街，人流好的話，通常會在地下一樓做點小生意，賣個臭豆腐之類的。如果門口在巷子里面，人流不多，一樓地下會用來停車，或做個客廳等等，沒有什麽限制的。這些”透天“宜住宜商，適合前鋪后居的用家。但有一個必須注意，就是”倒垃圾“！透天是沒有倒垃圾服務的，必須在每天特定的時間，拿著自家的垃圾，等經過的垃圾車倒垃圾！ 

4）別墅：其實跟”透天“差不多，但別墅通常爲住宅，樓下一樓用來停車，客廳，飯廳等等。別墅也分獨立或社區的，獨立的當然就自顧自、各顧各的，社區別墅限制比較多，但通常有管理，統一倒垃圾或收垃圾的服務，香港最出名的別墅社區有大埔的康樂園、比華利山等等。

5）套房：這種類別我衹可以用”龍蛇混雜“來形容！基本上，套房就是比較細的住宅，就外國的Studio吧，這些套房可以在有電梯的大樓，爬樓梯的公寓，甚至是透天業主間出來的獨立房間！總之，除非真的是逼不得已，這種住宅我真心的不建議。


其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 高雄區域介紹 - 前言
• 高雄地產商 - 前言

作者資料

我在香港出生，在中學時候移民到美國就讀中學，大學時認識了我來自臺灣高雄的太太，并在1999年與當時還是女朋友的太太第一次踏足臺灣。 畢業跟其他移民一樣，后留在美國工作、買房、養兒育女等等。 後來因爲工作原因，被公司派往香港，管理公司在深圳的業務，2006年第一次在香港買房，也屬於我在亞洲第一次的房地產投資。 因爲我太太的關係，她也開始投資高雄的房地產，并于2009年在高雄買下第一棟房。 經過幾年的規劃，我在高雄房地產的投資項目已分佈各區域，種類有住宅、商業大樓、獨棟大樓（透天）、店面等。 這BLOG是爲有興趣在高雄投資、買房、生活的人寫的。我希望用香港人的角度看待高雄這城市，給讀者一個簡單、易明分析，分享我這些年的投資、生活經驗。