高雄區域介紹 - 地理

高雄嘅總面積大概係3000 km² ,大概係三個香港咁大,而人口只係唔夠3百萬，計一計,人口咁稀疏,樓價貴極都有限啦,但大家唔好唔記得,台灣有個中央山脈,最高有成4000 m ,有成四個大帽山疊起來咁高,所以可以住人嘅地方,其實真係唔多。

同香港一樣,高雄亦都有分區,香港有18區,高雄一共有38區。我呢個blog無興趣為大家一一介紹全高雄38區嘅分別,因為可以投資,可以住人嘅區分只係得十幾個,占高雄38區一半都唔夠,但係當然,如果大家有興趣想去啲山旮旯嘅地方投資房地產,我都唔會阻止,始終人各有志,投資方向亦都唔會一樣,不過我呢個blog會盡量同大家介紹一啲比較有人氣嘅地方,最起碼有車有地鐵到,附近買個包都方便啲。

我會由人口最密集嘅高雄新興區開始講起,一路都高雄機場坐落嘅小港區為止,一共12個區域。



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言