高雄區域介紹 - 鼓山區

高雄嘰咕山區位於高雄市中心嘅西北面,佔地大概係15 km²左右,比香港嘅中西區面積大少少,住咗13萬人,人口密度同沙田差不多,區內有地鐵,又有輕軌,交通非常方便。

鼓山區最有代表性嘅景點當然係高雄市立美術館,個公園有成100公頃咁大,四周圍為主都係豪宅級數嘅住宅,就連之前嘅台灣總統陳水扁同屋企人都係住係呢區,不過佢有無內幕貼士話呢區一定會升值,咁就好難講啦。另外，打狗英國領事館官邸, 壽山動物園, 高雄忠烈祠等等，都係比較多人認識嘅景點。

呢一區豪宅林立,亦都比較上新,中學小學都非常之多,比較上出名嘅有明華國中,明誠高中,中華藝術學校,龍華國小, 又或者高雄美國國際學校亦都唔錯，區内有一間國立中山大學，都算唔錯。

高雄嘅鼓山區最似香港九龍站,又或者係奧運站附近,大部份都係一啲中上級數嘅住宅，再加埋一個比九龍公園大嘅美術館公園，食飽飯落街散步，又或者入去美術館入邊睇下D藝術品,都咪話唔寫意。如果你睇好香港嘅中西區,尖沙嘴,奧運站附近嘅住宅,鼓山區嘅美術館就最適合不過。



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言