高雄區域介紹 - 前金區

高雄嘅前金區坐落於市中心嘅西邊,面向愛河,多個政府部門亦都設立響前金區,總面積只有1.8 km² ,住咗27,000幾人,人口密度同灣仔差不多。全區將會係輕軌圈 入面,都可以算係高雄嘅市中心區域。

老實講,前金區真係無乜特別嘅景點, 唯一一個景點就係高雄國賓大飯店對出嘅愛河,有幾間coffee shop做生意，不過因為台灣高雄地方法院嘅關係 ,附近都有幾幢矮矮地嘅 商業大廈,有啲會計師樓,亦都有啲律師樓係呢邊做生意。

前金區比我嘅感覺有啲似金鐘花園道落嚟嗰條大斜路，平時返工嘅時候算係有啲人流，放咗工之後,真係無乜人向嗰邊出現，要投資嘅話,亦都比較上困難,因為樓盤唔多,不過如果你對一啲冷門嘅區域有興趣,亦都有心機去逐家逐戶睇樓,前金區亦不失為一個投資嘅地點,因為位處市中心但人流咁稀少嘅地方真係唔多,可能搵到寶都唔定。



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言