高雄區域介紹 - 鳳山區

高雄嘅鳳山區坐落於高雄正中心嘅東面,佔地大概係27 km²左右,住咗超過35萬人,系全高雄人口最多嘅區域,比荃灣區嘅29萬更多,人口密度比香港嘅灣仔低少少,不過唔好意思,輕軌唔會開到去鳳山,算係輕軌圈外嘅一個大型住宅區。

鳳山區入邊嘅景點唔算多,最出名嘅有衛武營國家藝術文化中心,衛武營都會公園,同埋大東文化藝術中心。而亦都因為人口多嘅關係,中學小學非常之多,比較出名嘅有五福國民小學,文山國民小學,中正國民小學,鳳山國中等等,更加有中華民國陸軍軍官學校,顧名思義係用來訓練陸軍步兵部隊啦。買嘢食嘢都算方便,家樂福,大潤發呢啲商場都有,中規中矩啦。

呢個區有啲似一個落後少少嘅荃灣,用高雄嘅區分來講,可以算係一個落後少少嘅三民區,而亦都因為鳳山區係輕軌圈外,唔可以講係屬於高雄嘅核心地區,所以樓價比三民區更加容易接受,即係平啦,所以好多住係高雄嘅人都會係鳳山區搵一啲上車盤,投資潛力非常巨大。



其他建議連接：

• 搞清楚實用面積、建築面積、公設、公設比
• 臺灣用”坪“，香港用”呎“，大陸用”平米“
• 臺灣住宅房地產種類
• 高雄區域介紹 - 前言
• 高雄地產商 - 前言